Türkiyənin Hatay vilayətində hərəkət edən yük maşınının təkərləri alovlanaraq meşəyə yayılıb.

Oxu24.com xəbər verir  ki,Ceyhan-İskenderun avtomobil yolunda hərəkət edən yük maşınının təkərləri qəfildən yanmağa başlayıb.

Adı açıqlanmayan sürücü avtomobildən düşərək vəziyyəti yanğınsöndürənlərə xəbər verib.

Yük maşınının ətrafını əhatə edən alov magistral yolun kənarındakı meşəyə keçib.

Yanğınsöndürmə briqadalarının müdaxiləsi ilə yanğın qısa zamanda nəzarətə götürülərək söndürülüb.

Yanğında yaralanan olmasa da, yük maşını yararsız hala düşüb.

Müəllif:Afət