İtaliyanın baş naziri AB-nin miqrasiya siyasətindən prankerlərə şikayət edib

Avropada miqrantların sayının artması ciddi problemdir, lakin Aİ ölkələri İtaliyanın bunu müzakirə etmək cəhdlərinə məhəl qoymur.

 

Oxu24.com xəbər verir  ki,İtaliyanın baş naziri Giorgia Meloni bu barədə prankerlər Lexus və Vovan (Aleksey Stolyarov və Vladimir Kuznetsov) ilə söhbətində danışıb.

Söhbətdə prankerlər özlərini adı açıqlanmayan afrikalı siyasətçi kimi təqdim ediblər.

“Vəziyyət kifayət qədər mürəkkəbdir, ilin əvvəlindən əsasən Tunisdən 120 mindən çox insan gəlib. Avropa uzun müddət düşünürdü ki, İtaliyanı onunla tək qoymaqla problemi həll edə bilər. Onlar bunun qeyri-mümkün olduğunu başa düşmürlər, çünki bu fenomenin miqyası, fikrimcə, təkcə Avropa İttifaqına deyil, həm də BMT-yə təsir edir”, – Giorgia Meloni bildirib.

Üstəlik, “digərlərinin vecinə deyil” və “Mən onlara zəng edəndə telefona cavab vermədilər” deyə şikayətlənib. Onun fikrincə, Avropa İttifaqının liderləri qeyri-qanuni miqrasiya probleminin həlli üçün vəsait ayırmaqda maraqlı deyillər. Və Nigerdə ​​hərbi əməliyyat keçirmək qərarı verilərsə, Avropa yeni əhəmiyyətli qaçqın axını ilə üzləşə bilər.

Avropada miqrasiya böhranı 2015-ci ildən, Şimali Afrika, Yaxın Şərq və Şərqi Asiyadan Aİ-yə gələn qaçqın və qeyri-qanuni miqrant axınının kəskin şəkildə artdığı vaxtdan bəri davam edir.

Əvvəllər Polşada Yaxın Şərqdə baş verən hadisələrlə əlaqədar miqrasiya siyasətini sərtləşdirməyə çağırışlar edilib.

 

Müəllif:Afət