Misirlilər fələstinli qardaşları qəbul etmək istəmirlər

Misirin baş naziri Mustafa Madbouli çərşənbə axşamı bildirib ki, ölkəsi “İsrailin təzyiqinə boyun əyməyəcək” və Qəzza zolağından fələstinli qaçqınları qəbul etməyəcək.

 

Oxu24.com xəbər verir  ki, bu barədə EFE xəbər agentliyi məlumat yayıb.

 

“Prezident Əbdülfəttah əs-Sisinin dediyi kimi, Misir bizə heç bir şeyin yüklənməsinə və ya regional problemlərin bizim hesabımıza həll edilməsinə icazə verməyəcək”, – Madbouli Sinay yarımadasının şimalındakı Əl-Ariş şəhərində çıxışı zamanı deyib. 

 

O, həmçinin əmin edib ki, Qahirə yaxın illərdə Sinay yarımadası üçün inkişaf və yenidənqurma planlarını genişləndirməyi planlaşdırır, layihəyə milyardlarla Misir funt sterlinqini sərmayə qoyur ki, “heç kəs Misirin Sinayı tərk edəcəyini düşünməsin”.

 

Müəllif:Afət