Rusiya Təhlükəsizlik Şurasının katibi Nikolay Patruşev bildirib ki, ABŞ siyasəti Yaxın Şərqdə münaqişəni təhrik edib və gərginləşdirib.

Oxu24.com xəbər verir  ki,bu barədə TASS məlumat yayıb.

"Məhz Vaşinqtonun siyasəti Yaxın Şərqdə vəziyyətin indiki fəlakətli gərginləşməsinə səbəb olub və artıq mülki əhali arasında böyük itkilərə səbəb olub", - Patruşev bildirib.

Onun sözlərinə görə, ABŞ İsrail və Fələstin arasında münaqişənin həllinə kömək etmək əvəzinə, bölgəyə silah-sursat verməklə və öz aviadaşıyıcılarını göndərməklə vəziyyəti daha da gərginləşdirir.

Bir müddət əvvəl ABŞ prezidentinin milli təhlükəsizlik üzrə köməkçisi Ceyk Sallivan ABŞ-ın İsrailə silahların müharibə qanunlarına uyğun istifadə edilməsi tələbi ilə ötürüldüyünü bildirmişdi.

Oktyabrın 22-də “The New York Times” ABŞ-ın Ukraynaya göndərilməsi nəzərdə tutulan on minlərlə artilleriya mərmisini İsrailə ötürəcəyini yazmışdı.

Müəllif:Nigar