Livan İsraillə döyüşməyəcəyinə söz verdi

Livanın baş naziri Nəcib Mikati ölkənin Yaxın Şərq münaqişəsinə girməsinin qarşısını almaq niyyətindədir, lakin daha da gərginləşəcəyini istisna etmir.

 

Oxu24.com xəbər verir  ki,"Mən Livanın müharibəyə girməsinin qarşısını alaraq öz öhdəliklərimi yerinə yetirirəm", deyə Mikati  AFP-yə açıqlamasında  bildirib.

 

Baş nazirin sözlərinə görə, Livan münaqişənin yaratdığı “fırtınanın episentrində”dir.

 

“Münaqişənin bütün regiona yayılmasından əvvəl atəşkəsə nail olmaq yarışı getdiyi üçün gərginliyin artacağını istisna etmirəm”, o əlavə edib.

 

Mikati daha əvvəl Sky News Arabia üçün şərhində deyib ki, Livan İsraillə hərbi qarşıdurmaya cəlb olunarsa, bu, bütün Yaxın Şərqin xaosa qərq olacağı anlamına gələcək.

 

Müəllif: Miri Məcidli