Nigeriyada qayıq qəzasında itkin düşən 70 nəfər hələ də tapılmayıb

Sentyabrın 28-də Qərbi Afrika ölkəsi olan Nigeriyanın Taraba əyalətində sərnişinləri daşıyan qayığın batması nəticəsində 70 nəfərin hələ də itkin düşdüyü bildirilir.

Oxu24.com xəbər verir  ki,Nigeriya Dövlət Fövqəladə Halların İdarə Olunması Agentliyinin (SEMA) Taraba dövlət katibi Yusuf Dan-Asabe, TheCable qəzetinə verdiyi açıqlamada, sərnişinləri daşıyan qayığın sentyabrın 28-də Mayorenero bölgəsindəki Benue çayında batdığını xatırladıb.

Qayıqda olan 70 nəfərin hələ də itkin olduğunu bildirən Dan-Asabe, qəza bölgəsində indiyədək 12 nəfərin sağ-salamat xilas edildiyini bildirib.

Dan-Asabe bölgədə axtarış-xilasetmə işlərinin davam etdiyi barədə məlumat paylaşıb.

Mayorenero bölgəsindəki balıq bazarından Taraba əyalətinə qayıdan 100-dən çox sərnişini daşıyan qayıq Benue çayında aşıb. Qəzadan sonra başladılan xilasetmə işləri zamanı 15 nəfərin cəsədi tapılıb.

 

Müəllif:Afət