“Qəzzada qətliamın məsuliyyəti tamamilə Qərbin üzərinə düşür”.

Bunu Türkiyə Prezidenti Rəcəb Tayyib Ərdoğan İstanbulda Atatürk Hava Limanında Fələstinə dəstək məqsədilə təşkil olunan kütləvi aksiyada bildirib.

“Dünən Ukrayna ilə Rusiya arasında gedən müharibədə həlak olan dinc sakinlər üçün timsah göz yaşları tökən Qərb ölkələri bu gün Qəzzada minlərlə günahsız uşağın ölümü qarşısında susqunluq nümayiş etdirir. Ukrayna üçün ağlayırsansa, Qəzzada ölən uşaqlar üçün niyə susursan?”, - Ərdoğan deyib.