İsrail ordusunun tankları Qəzzaya doğru irəliləyir

İsrail Müdafiə Qüvvələrinin (IDF) tank birləşmələri Fələstin anklavının şimalında yerləşən Beyt Hanun şəhərində təhlükəsizlik səddinə bitişik ərazidə Qəzza zolağına doğru irəliləyir.

 

Oxu24.com xəbər verir ki,Bu barədə yerli mənbələrə istinadən Sky News Arabia telekanalı məlumat yayıb.

 

Fələstin HƏMAS hərəkatının hərbi qanadı olan Əl-Qəssam Briqadaları Qəzza zolağında Əl-Bureyc qaçqın düşərgəsinin şərq hissəsinə İsrailin qurudan hücumunu dəf etdiklərini bildirib.

 

Bundan əvvəl İsrail Müdafiə Qüvvələrinin mətbuat xidməti bəyan etmişdi ki, İsrail Qəzza zolağında quru manevrlərinin əhatə dairəsini genişləndirir.

 

Oktyabrın 7-də Həmas İsrailə bir neçə min raket atdı və Əl-Əqsa Daşqını əməliyyatının başladığını elan etdi. Minlərlə yaraqlı İsrail ərazisinə hücum edərək onlarla hərbi texnikanı və yüzdən çox girovu ələ keçirib. Bunun fonunda İsrailin baş naziri Netanyahu ölkənin müharibə vəziyyətində olduğunu açıqlayıb.

İsrail Müdafiə Qüvvələrinin cavab əməliyyatı “Dəmir Qılınclar” adlanırdı və məqsədlərindən biri də HƏMAS-ın məhv edilməsi idi. İsrail Hərbi Hava Qüvvələri Qəzza zolağında HƏMAS-ın yüzlərlə hədəfinə zərbələr endirib və İsrailin Milli Təhlükəsizlik Şurası bu zolağa su, ərzaq, mal, elektrik və yanacaq tədarükünü dayandırmağa qərar verib. Oktyabrın 13-də İsrail BMT-yə bildirib ki, Qəzzada quru əməliyyatı başlamazdan əvvəl 1,1 milyon fələstinli 24 saat ərzində Qəzzanın cənubuna təxliyə edilməlidir.

 

Müəllif:Afət