Ukraynanın PUA-sı vuruldu

Rusiya Federasiyasının Müdafiə Nazirliyi Kursk vilayəti ərazisi üzərində təyyarə tipli pilotsuz uçuş aparatının məhv edilməsi barədə məlumat yayıb.

 

Oxu24.com xəbər verir  ki,“Oktyabrın 27-də saat 19.00 radələrində Kiyev rejiminin Rusiya Federasiyası ərazisindəki obyektlərə təyyarə tipli PUA ilə terror aktı törətmək cəhdinin qarşısı alınıb”, - məlumatda deyilir.

 

Qeyd olunur ki, pilotsuz təyyarə növbətçi hava hücumundan müdafiə qüvvələri tərəfindən məhv edilib.

 

Cümə axşamı Rusiya Müdafiə Nazirliyi bildirib ki, Rusiya hava hücumundan müdafiə qüvvələri Kursk atom elektrik stansiyasının yanında yerləşən Kurçatov rayonunda Ukraynaya məxsus pilotsuz uçuş aparatını (PUA) ələ keçirib.

 

İdarədən verilən məlumata görə, oktyabrın 26-da saat 21:00 radələrində Ukrayna tərəfinin Rusiya Federasiyası ərazisindəki obyektlərə aviasiya tipli PUA-dan istifadə etməklə terror aktı törətmək cəhdinin qarşısı alınıb. Pilotsuz uçuş aparatı Kurçatov qəsəbəsi yaxınlığında Kursk vilayətinin ərazisində növbətçi hava hücumundan müdafiə qüvvələri tərəfindən ələ keçirilib.

 

Müəllif:Afət