Minskdən İran ABŞ-a ağlasığmaz cavab vəd edir

Əgər ABŞ İrana və onunla əlaqəli infrastruktura zərbə endirərsə, cavab “bütün təsəvvürlərdən kənar” olacaq.

 

Oxu24.com xəbər verir ki,Bunu İranın xarici işlər nazirinin müavini Məhəmməd Həsən Şeyx Ol-İslami Minskdə Avrasiya təhlükəsizliyinə dair yüksək səviyyəli konfransın kənarında jurnalistlərə deyib.

“Fələstinliləri və Qəzza zolağının sakinlərini qorumaq üçün lazımi tədbirləri bütün ölkələr görməlidir. Bu, ABŞ-ın bizi ilk hədələməsi deyil, biz gündəlik təhdidlərə öyrəşmişik. Amma hər halda, əgər bu baş versə, bu cür səhvlərə yol versələr, İranın cavabı bütün təsəvvürlərdən kənar olacaq”, - deyə Ol-İslami bildirib.

 

O qeyd edib ki, İran “30 ildir fələstinlilərin hüquqlarını müdafiə edib və bunu davam etdirəcək”.

 

“Suriyalılar öz ölkələrini müdafiə edə bilərlər, lakin kömək istəsələr, İran onları dəstəkləyəcək. Vəziyyət fəlakətlidir, biz bunu dayandırmalıyıq. İndi biz münaqişənin İraq və digərləri ilə yayılmasının qarşısını almaq üçün əlimizdən gələni edirik”, - deyə Ol-İslami əlavə edib.

 

Müəllif:Afət