Bayden İsrailə HƏMAS-a hücum etmək üçün lazım olan hər şeyi  verəcəyini vəd etdi

Oxu24.com  xəbər verir ki, ABŞ prezidenti Co Bayden Avstraliyanın baş naziri Entoni Albanese ilə Ağ Evdə danışıqlardan sonra keçirdiyi birgə mətbuat konfransında bildirib ki, Birləşmiş Ştatlar Fələstinin radikal HƏMAS hərəkatının yaraqlılarını cəzalandırmaq üçün İsrailə lazım olan hər şeydə kömək edəcəyinə zəmanət verir. 

Onun sözlərinə görə, İsrail öz xalqına qarşı hücumlara cavab vermək hüququ və öhdəliyinə malikdir.

"Və biz İsraili bu terrorçulardan müdafiə etmək üçün lazım olan hər şeyi təmin edəcəyik" ,-deyə o bildirib.

Amerika prezidenti həmçinin bildirib ki, Qəzza zolağına humanitar yardımın həcmi artırılmalıdır. Onun sözlərinə görə, ABŞ bunun üzərində çox işləyir.

Bundan əvvəl Bayden İsrailin baş naziri Benyamin Netanyahudan Qəzza zolağına davamlı humanitar yardım axınını təmin etməyi tələb edib.

 

Müəllif: Nigar