Blinken ABŞ-ın İranın amerikalılara hücumuna cavabını açıqlayıb

ABŞ İranla döyüşmək istəmir, lakin Fələstin-İsrail münaqişəsi zamanı amerikalılara zərbə endirərsə, cavab verəcək.

 

Oxu24.com  xəbər verir ki, bunu ABŞ-ın dövlət katibi Entoni Blinken BMT Təhlükəsizlik Şurasının iclasında bildirib.

 

O, bildirib ki, Birləşmiş Ştatlar İranla münaqişə axtarmır.

"Biz bu müharibənin genişlənməsini istəmirik.Əgər İran və ya onun müvəkkilləri  ABŞ nümayəndələrinə zərbə endirərsə, cavab sürətli və həll edici  olacaq",-deyə o bildirib.

Bundan əlavə, Blinken dünya təşkilatının Təhlükəsizlik Şurasını İrana və onun havadarlarına İsrailə qarşı ikinci cəbhə açmağa ehtiyac olmadığını çatdırmağa çağırıb.

Bir gün əvvəl Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi demişdi ki, ABŞ səlahiyyətlilərinə görə, İran Suriya və İraqda ABŞ hərbçiləri ilə bazalara hücum edən qrupları dəstəkləyir.

Oktyabrın 23-də “Əl-Mayadeen” telekanalı Suriyanın cənub-şərqində səhrada yerləşən ABŞ-ın “Ət-Tanf” bazasına iki pilotsuz təyyarənin hücumuna məruz qaldığını bildirib. Telekanalın məlumatına görə, pilotsuz təyyarələr Amerika bazasının hava hücumundan müdafiəsini yarmağa müvəffəq olub.

Bundan əvvəl ABŞ-ın respublikaçı senatoru Lindsey Graham demişdi ki, Yaxın Şərqdə döyüşlər artarsa, müharibə “İranın həyətində” baş verəcək. Bu ölkə, siyasətçinin fikrincə, Fələstin-İsrail münaqişəsinin qızışmasında iştirak edir.

 

Müəllif:Afət