Ukrayna Avropa Birliyi  yolunda yeni tələblərlə üzləşir

Oxu24.com xəbər verir  ki, Reuters mənbələrə istinadən yazır ki, Avropa Komissiyasının Ukraynanın Avrointeqrasiyada əldə etdiyi nailiyyətlərə dair hesabatı noyabrın 8-də dərc olunacaq.

Agentliyin məlumatına görə, Kiyev müsbət tövsiyə alacaq, lakin bir sıra “əlavə şərtlər” nəzərə alınmaqla.

Reuters-in qeyd etdiyi kimi, AK hesabatı Kiyevin milli azlıqların hüquqları və korrupsiya ilə mübarizə ilə bağlı məsələlər üzərində işləməsinin zəruriliyini göstərə bilər.

Agentlik əlavə edir ki, Ukraynadakı milli azlıqların vəziyyəti ilə bağlı məsələ son vaxtlar Macarıstan tərəfindən qaldırılıb.

“Venesiya Komissiyasının 9 oktyabr tarixli müvafiq hesabatında  bildirilir ki, Ukraynanın milli azlıqlar haqqında qanununa edilən son düzəlişlər təkmilləşdirmədir, lakin daha çox iş görülməlidir. Avropa Komissiyasının öz hesabatında bu rəyi yaxından izləməsi gözlənilir”.

Eyni zamanda, Reuters vurğulayır ki, Aİ-nin hesabatına əsasən, Aİ-yə üzv ölkələrin liderləri dekabrın ortalarında keçiriləcək sammitdə Ukraynanın assosiasiyaya üzv olmaq üzrə danışıqlara hazır olub-olmaması barədə nəticə çıxaracaqlar.

2022-ci ilin fevral ayının sonunda Rusiya hərbi əməliyyatlarının başlaması ilə Ukrayna Avropa İttifaqına daxil olmaq üçün səylərini artırıb. Münaqişə fonunda Kiyev Aİ-yə namizəd statusu alıb və 2023-cü ildə üzvlük danışıqları mərhələsinə çatacağına söz verib. Eyni zamanda, iyunun sonuna qədər Ukrayna danışıqlar prosesinə başlamaq üçün zəruri olan 7 şərtdən yalnız ikisini yerinə yetirib.

 

Müəlif:Afət