ABŞ Maliyyə Nazirliyi büdcə kəsirində kəskin artım qeydə alıb

ABŞ-ın büdcə kəsiri 2023-cü maliyyə ilinin sonunda 23% artaraq 1,695 trilyon dollar təşkil edib.

Oxu24.com bu barədə ABŞ Maliyyə Nazirliyinin məlumatlarına istinadən xəbər verir.

ABŞ Maliyyə Nazirliyinin məlumatına görə, 2022-ci maliyyə ilində büdcə kəsiri 1,375 trilyon dollar təşkil edib.

Belə ki, il ərzində 320 milyard dollar artıb.Büdcə gəlirlərinin 9% azalaraq 4,439 trilyon dollara düşməsi kəsirin artmasının səbəblərindən biri olub.

Xüsusilə, fərdi gəlir vergisi üzrə daxilolmalar 17% azalaraq 2,176 trilyon dollar təşkil edib.

Eyni zamanda, büdcə xərcləri cəmi 2% azalaraq 6,134 trilyon dollar təşkil edib. Dövlət istiqrazları üzrə faiz ödənişləri nəzərəçarpacaq dərəcədə - 23% artaraq 879 milyard dollara çatıb.ABŞ Maliyyə Nazirliyi qeyd edir ki, cari kəsir son illərin ən böyük kəsirindən biridir. Pandemiya dövründə yalnız 2020 və 2021-ci illərdə böyük idi. Sonuncu dəfə ABŞ büdcəsi 2001-ci maliyyə ili profisitlə bağlanmışdı.

 

Müəllif:Afət