Ukrayna İndoneziyadan elektrik generatorları istədi

Ukrayna hakimiyyəti qışdan sağ çıxmaq üçün İndoneziyadan yüzlərlə elektrik generatoru istəyib.

 

Oxu24.com xəbər verir  ki,bu barədə “Liputan6” portalı məlumat yayıb.

 

Portalın məlumatına görə, Ukrayna xarici işlər nazirinin müavini Anton Demekhin İndoneziya hakimiyyətinə müraciət edib.

O, ölkənin qışdan sağ çıxması üçün Ukraynaya bir neçə yüz elektrik generatoru verilməsini xahiş edib.

“Biz vəziyyəti anlamaq və onun fəsadlarına hazırlaşmaq üçün fürsətdən istifadə edirik. Aydındır ki, elektrik enerjisi kəsilən zaman enerji istehsal etməyə kömək edəcək generatorlara böyük ehtiyac var... Hazırda bir neçə yüz generator çatışmır”, - deyə nazir müavini bildirib.

O, əlavə edib ki, bu dəfə onun İndoneziyadakı gündəliyinə ərzaq təhlükəsizliyi və taxılla bağlı təşəbbüslərin müzakirəsi daxildir.

Bundan əvvəl Britaniya Kral Birləşmiş Müdafiə Araşdırmaları İnstitutunun (RUSI) tədqiqatçısı Cek Uotlinq Rusiyanın hərəkətləri səbəbindən qışda Ukrayna üçün yeni çətinliklərin olacağını proqnozlaşdırmışdı.

 

Müəllif: Miri Məcidli