BMT-nin baş katibi etiraz edib

HƏMAS-ın fəaliyyəti, o cümlədən oktyabrın 7-də İsrail ərazisinə hücum fələstinlilərin kollektiv şəkildə cəzalandırılması üçün səbəb ola bilməz.

Oxu24.com  RİA "Novosti"yə istinadən xəbər verir ki, bunu BMT-nin baş katibi Antonio Quterreş Yaxın Şərqdə münaqişənin həllinə dair Qahirə sammiti zamanı bildirib.

Onun sözlərinə görə, beynəlxalq ictimaiyyət artıq regionda cərəyan edən hadisələrin daha geniş kontekstini nəzərdən qaçıra bilməz. O cümlədən, söhbət uzanan münaqişədən və 56 illik işğaldan gedir.

Təşkilat rəhbəri həmçinin vurğulayıb ki, heç bir səbəb Həmas-ın İsrailə hücumuna haqq qazandıra bilməz. Bununla belə, baş verənlər bütün Fələstin xalqını cəzalandırmaq üçün səbəb olmamalıdır, Quterreş bildirib.

BMT baş katibinin dediyi kimi, belə bir vəziyyətdə belə beynəlxalq humanitar hüquq normalarına riayət etmək lazımdır. Eyni şey 1949-cu ildə qəbul edilmiş Cenevrə Konvensiyasının müddəalarına da aiddir.

"İsraillilər qanuni təhlükəsizlik ehtiyaclarının yerinə yetirildiyini, fələstinlilər isə BMT qətnamələri, beynəlxalq hüquq və əvvəlki razılaşmalara uyğun olaraq müstəqil dövlət yaratmaq üçün qanuni istəklərinin yerinə yetirildiyini görməlidirlər" deyə təşkilatın lideri yekunlaşdırıb.

Bundan əvvəl Türkiyənin xarici işlər naziri Hakan Fidan bildirmişdi ki, Yaxın Şərq münaqişəsinin kəskinləşməsi ilə əlaqədar bütün dünyada yeni gərginlik ocaqları yarana bilər.

 

Müəllif: Nigar