General Viktor Əfzalov Rusiya Aerokosmik Qüvvələrinin baş komandanı təyin edilib.

Oxu24.com xəbər verir  ki,bu barədə cümə günü, oktyabrın 20-də “İzvestiya”nın üç mənbəsi məlumat yayıb.

Avqustun 23-də Sergey Surovikinin Aerokosmik Qüvvələrin baş komandanı vəzifəsini tərk etdiyi bildirilir. Əfzəlov müvəqqəti təyin edilib.

Viktor Əfzalov 9 iyun 1968-ci ildə anadan olub. 1989-cu ildə Puşkin adına Hava Hücumundan Müdafiə Radioelektronika Ali Hərbi Məktəbini bitirib. O, həmçinin Hərbi Hava Hücumundan Müdafiə Universitetində və Rusiya Silahlı Qüvvələri Baş Qərargahının Hərbi Akademiyasında təhsil alıb.

2017-ci ildə Əfzəlov Şərq Hərbi Dairəsinin Hərbi Hava Qüvvələri və Hava Hücumundan Müdafiə Ordusunun komandiri, 2018-ci ildə isə Rusiya Aerokosmik Qüvvələrinin Baş Qərargahının rəisi vəzifəsini alıb.

2022-ci ilin dekabrında Əfzəlova general-polkovnik rütbəsi verilib.

Müəllif:Nigar