FTB 1945-ci ildə Almaniyadan oğurlanmış rəsm əsərini tapıb

1945-ci ildə İkinci Dünya Müharibəsinin sonunda Almaniyadan oğurlanan, 18-ci əsrdə yaşamış Avstriya rəssamı İohan Frans Nepomuk Lautererin “İtalyan mənzərəsi” ölkəyə qayıdıb.

Oxu24.com xəbər verir  ki,bu barədə Fox News xəbər verir.

FTB Almaniyanın Çikaqodakı konsulluğunda keçirilən mərasimdə Lautererin əsərini Bavariya əyalətinin rəsm kolleksiyalarının (Münhen) nümayəndəsinə təqdim edib.

Mənzərədə Lauterer İtaliyanın kəndlərini təsvir etmişdir. 1945-ci ildə tablonu özü ilə aparan amerikalı əsgərin nəslinin özü oğurlanmış sənət əsərlərinin qaytarılması üçün beynəlxalq Art Recovery International təşkilatı ilə əlaqə saxladığı iddia edilir.

2011-ci ildə onlar tablonu satmağa çalışsalar da, muzey onun hüquqlarını iddia etdi. Rəsm 2012-ci ildə Almaniyanın İtirilmiş İncəsənət Əsərləri Reyestrinə daxil edilmişdir.

“Art Recovery International-dakı işimizin əsasını nasistlər tərəfindən oğurlanmış və ictimai və ya şəxsi kolleksiyalarda tapılan sənət əsərlərinin tədqiqi və bərpası təşkil edir. Bəzən belə hallara rast gəlirik ki, Müttəfiq əsgərlər əşyaları suvenir və ya müharibə qəniməti kimi evlərinə aparırdılar. Qazanan tərəfdə olmaq bu işdə haqlı olmaq demək deyil” deyə təşkilatın təsisçisi Kristofer Marinello bildirib. Onun sözlərinə görə, sahibi əvvəlcə tablonu ona satmağa çalışsa da, sonda onu pulsuz verib.

Bir gün əvvəl Qlazqo Muzeyindən (Böyük Britaniya) 34 il əvvəl oğurlanmış rəssam Robert Gemmell Hatchisonun “Uşaqlar suda gəzir” tablosu mədəniyyət müəssisəsinə qaytarılıb.

 

Müəllif:Nigar