Rusiya  Ukraynaya məxsus pilotsuz uçan aparatı vurdu

Rusiya hava hücumundan müdafiə sistemləri  Belqorod vilayəti üzərində səmada Ukraynaya məxsus pilotsuz təyyarəni məhv edib.

Oxu24.com xəbər verir ki,bu barədə Rusiya Müdafiə Nazirliyinin mətbuat xidməti Telegram-da məlumat yayıb.

“Oktyabrın 18-də, saat 20:00 radələrində Kiyev rejiminin təyyarə tipli PUA ilə terror aktı törətmək cəhdinin qarşısı alınıb”, - nəşrdə deyilir.

Digər təfərrüatlar hələlik verilməyib.

Bundan əvvəl, Belqorod vilayətinin Belqorod rayonu və Yakovlevski şəhər rayonunda Rusiyanın hava hücumundan müdafiə sistemi altı təyyarə tipli pilotsuz təyyarəni vurub, bu barədə qubernator Vyaçeslav Qladkov Telegram kanalında məlumat verib.

Bir gün əvvəl Rusiyanın hava hücumundan müdafiə sistemləri Belqorod vilayəti ərazisi üzərində bir Ukrayna pilotsuz təyyarəsini məhv edib.

Rusiya Müdafiə Nazirliyi həmçinin Rusiyanın hava hücumundan müdafiə sistemlərinin Belqorod vilayəti üzərində Ukraynaya məxsus 3 pilotsuz uçuş aparatını məhv etdiyini bildirib.

 

Müəllif: Nigar