Rusiya Daxili İşlər Nazirliyinin Ermənistandakı nümayəndəliyinin rəis müavini İrəvanda iş yerində ölü tapılıb.

 Yerli vaxtla saat 09:40 radələrində “Arabkir” təcili yardım stansiyasından Arabkir polis şöbəsinə məlumat daxil olub. Məlumata görə, çağırışçı həkimlər qrupu Manuşyan küçəsinə gedib və orada kişi meyiti tapılıb. Ölən şəxsin Rusiya Daxili İşlər Nazirliyinin Ermənistandakı nümayəndəliyinin rəis müavini Vyaçeslav Ponomaryov olduğu məlum olub.

Məhkəmə-tibb ekspertinin ilkin rəyinə görə, meyitin bədənində zorakılıq əlamətləri aşkar edilməyib.

Faktla bağlı cinayət işi başlanıb.