Haaretz: Putin və Netanyahu danışıb

İsrailin baş naziri Benyamin Netanyahu və Rusiya prezidenti Vladimir Putin telefonla Qəzza zolağı ətrafındakı vəziyyəti müzakirə ediblər.

 

Oxu24.com xəbər verir  ki,Haaretz qəzeti yazır.

Nəşrdə başqa təfərrüatlar verilmir.

Daha əvvəl Rusiya liderinin köməkçisi Yuri Uşakov bildirmişdi ki, bazar ertəsi, oktyabrın 16-da Putin Netanyahu və Fələstin prezidenti Mahmud Abbas da daxil olmaqla beş beynəlxalq telefon danışığı aparacaq.

Xatırladaq ki, oktyabrın 7-də HƏMAS radikal qruplaşması İsrailə raket zərbələri endirmiş, onun üzvləri yəhudi dövlətinin ərazisinə soxulmuş və Əl-Əqsa tufanı əməliyyatının başladığını elan etmişdi. İsrail buna cavab olaraq Qəzza zolağına böyük hava zərbələri endirib. Artıq hər iki tərəfdən qurbanların sayı minlərlədir. İsrailin baş naziri Benyamin Netanyahu ölkəsinin HƏMAS-ı məhv edəcəyinə əmin olduğunu bildirib. Rusiya prezidenti Vladimir Putin etiraf edib ki, Moskva İsrail və Fələstin arasındakı münaqişənin həllinə kömək edə bilər. O, həmçinin əlavə edib ki, Rusiya Fələstin-İsrail münaqişəsinin danışıqlar yolu ilə həllinə alternativ görmür.

 

Müəllif: Nigar