İsraildə ölü sayı şok həddə çatdı

Fələstin-İsrail münaqişəsinin qızışması zamanı ölənlərin sayı 1400 nəfərə çatıb.

Oxu24.com xəbər verir  ki, i24 News kanalı məlumat yayıb.

Fələstin Səhiyyə Nazirliyi də öz növbəsində İsrailin Qəzza zolağına endirdiyi zərbələr nəticəsində həlak olan fələstinlilərin sayının 2,6 mini keçdiyini bildirib.

Daha əvvəl ÜST bildirmişdi ki, İsrailin Qəzzanın şimalındakı 22 xəstəxanadan 2 mindən çox xəstəni təxliyə etmək əmri ölüm hökmünə bərabərdir.

Qeyd olunur ki, yaralı xəstələr Qəzzanın şimalındakı tibb müəssisələrinə gəlməyə davam edir və həkimlər “işlərinin öhdəsindən gəlməkdə çətinlik çəkirlər”.

Bundan əvvəl Aİ-nin xarici işlər və təhlükəsizlik siyasəti üzrə ali nümayəndəsi Cozep Borrel bildirmişdi ki, İsrailin Qəzza zolağının şimalından 1 milyon insanın təxliyəsi tələbinə yenidən baxılmalıdır.

Oktyabrın 7-də Həmas İsrailə bir neçə min raket atdı və Əl-Əqsa Daşqını əməliyyatının başladığını elan etdi. Minlərlə yaraqlı İsrail ərazisini işğal edərək onlarla hərbi texnikanı və yüzdən çox girovu ələ keçirib.

 

Müəllif:Afət