Hakan Fidan almaniyalı həmkarı ilə görüşüb

Türkiyənin Xarici işlər naziri Hakan Fidan Misirin paytaxtı Qahirədə Almaniyanın xarici işlər naziri Annalena Baerbok ilə görüşüb.

Görüşdə İsrailin Qəzzaya hücumları müzakirə edilib.

Oxu24.com xəbər verir  ki,diplomatik mənbələrdən əldə edilən məlumata görə, xarici işlər naziri Hakan Fidan rəsmi səfərdə olduğu Qahirədə Almaniyanın xarici işlər naziri Annalena Baerbok ilə görüşüb.

Görüşdə İsrailin Qəzzaya hücumları, Qəzzaya humanitar yardımlar və Qəzzadan təxliyələr müzakirə edilib. Görüşdə Ukrayna və Qarabağdakı vəziyyət də müzakirə olunub.

Xarici işlər naziri Hakan Fidan həmkarı Semih Şükrinin dəvəti ilə getdiyi Qahirədə təmaslarını davam etdirir.

Bu çərçivədə Türkiyə və Misir Xarici İşlər nazirlikləri səfirlərin qarşılıqlı təyinatından sonra ilk dəfə bir araya gələcək.

Gündəmin ən mühüm maddəsi İsrail-Fələstindir

İki nazir arasında keçiriləcək görüşdə ən mühüm gündəmin İsrail-Fələstin münaqişəsi və Qəzzadakı humanitar böhran olacağı gözlənilir.

Türkiyə girovların azad edilməsi və Qəzzaya humanitar yardımın çatdırılması üçün səylərini davam etdirərkən, görüşlərdə Rəfah Sərhəd Qapısının vəziyyəti və bölgədəki humanitar böhran da qiymətləndiriləcək.

Görüşlərdə prezident Rəcəb Tayyib Ərdoğan və Misir prezidenti Əbdülfəttah Es-Sisi arasında görüş cədvəli ilə bağlı yol xəritəsinin hazırlanacağı gözlənilir.

Onun prezident Sisi ilə görüşü gözlənilir

Nazir Fidanın Qahirəyə rəsmi səfəri çərçivəsində Misir prezidenti Əbdülfəttah Es-Sisi ilə görüşü gözlənilir.

 

Müəllif:Nigar