Avropa İttifaqı X sosial şəbəkəsində dezinformasiyanın yayılmasını yoxlayacaq

Avropa İttifaqı İsraildəki münaqişə ilə bağlı dezinformasiyanın yayılmasını yoxlamaq üçün X sosial şəbəkəsində (keçmiş Twitter) araşdırmaya başlayıb.

Oxu24.com Politico-ya istinadən  xəbər verir ki, pozuntu aşkar edilərsə, İlon Maskın platformasının sanksiyalarla üzləşəcəyi gözlənilir.

Sosial şəbəkənin 2023-cü ilin avqustunda qüvvəyə minmiş rəqəmsal xidmətlər üzrə yeni Avropa qanunvericiliyinin tələblərinə uyğunluğu sınaqdan keçirilməli olacaq. Bu qanuna əsasən, sosial media operatorlarından Avropa Komissiyası tərəfindən dəstəklənən müstəqil fakt yoxlayıcılar şəbəkəsi tərəfindən yalan olduğu müəyyən edilən məlumatları silmək tələb olunur. Əks halda, operatorları şirkətin qlobal gəlirlərinin 6%-i məbləğində cərimə gözləyir. “Politico”nun məlumatına görə, bu, Aİ-də ilk belə araşdırmadır.

Daxili bazar komissarı Thierry Breton bildirib ki, rəqəmsal xidmətlər haqqında qanun böhran zamanı da daxil olmaqla ifadə azadlığını və demokratiyanı qorumaq məqsədi daşıyır. O iddia edir ki, X-in dərc etdiyi Həmas kadrları Aİ daxilində qeyri-qanuni məzmun və dezinformasiya yaymaq üçün istifadə olunur.

X-in sahibi, amerikalı iş adamı İlon Mask Avropa komissarı Tyerri Bretonun ittihamlarını rədd edərək, onun sosial şəbəkəsinin açıq və şəffaf platforma olduğunu bildirib. O, həmçinin qeyd edib ki, Avropa Komissiyası sosial şəbəkələrdə yayıldığı iddia edilən dezinformasiyaya dair konkret nümunələr təqdim etməyib. Mask əlavə edib ki, X bütün hesabların açıq məlumat mənbələri hesab edilməsi siyasətini izləyir.

X şirkətinin Baş İcraçı Direktoru Linda Yaccarino, Breton tərəfindən açıqlanan məktubda qaldırılan narahatlıqlara cavab verərək, şirkətin "sürətlə inkişaf edən münaqişənin əməliyyat ehtiyaclarını ödəmək üçün aktiv şəkildə işlədiyini" söylədi.

Avropa Komissiyası qərar qəbul edəcək, onun nəticələri oktyabrın 31-dən sonra rəsmi proseslərin başlanmasına səbəb ola bilər.

Qeyd olunur ki, Breton Meta şirkətinin (Rusiyada ekstremist kimi tanınan və qadağan olunmuş) rəhbəri Mark Zukerberqə də məktub göndərərək ondan şirkətin sosial şəbəkələrindəki səhifələrdən dezinformasiyanı silməyi və görülən işlərlə bağlı 24 saat ərzində hesabat təqdim etməyi tələb edib.

 

Müəllif:Nigar