Rusiya Xarici İşlər Nazirliyi bəyan edib ki, İsrailin Suriyanın Dəməşq və Hələb hava limanlarına hücumunu ölkənin suverenliyinin və beynəlxalq hüququn əsas normalarının kobud şəkildə pozulması hesab edir.

Oxu24.com xəbər verir ki,bu barədə XİN-in saytında məlumat verilib.

“İsrail tərəfinin bu hərəkətləri Suriya Ərəb Respublikasının suverenliyini və beynəlxalq hüququn əsas normalarını kobud şəkildə pozur...” Rusiya Xarici İşlər Nazirliyinin bəyanatında deyilir.

Bəyanatda qeyd olunur ki, Fələstin və İsrail arasında kəskinləşən münaqişə kontekstində bu cür zorakı hərəkətlər son dərəcə təhlükəli nəticələrlə doludur və bütün regionda silahlı eskalasiyaya səbəb ola bilər.

Hadisələrin bu cür inkişafına yol vermək olmaz, Rusiya Xarici İşlər Nazirliyi vurğuladı.

Bundan əvvəl Suriyanın “Əl-Vatan” qəzeti İsrailin Suriyanın Dəməşq və Hələb hava limanlarına hücumlar təşkil etdiyini yazıb. Atışma səbəbindən hər iki hava limanı təyyarələrin gəlişini və gedişini dayandırıb. İlkin məlumatlara görə, uçuş-enmə zolaqları atəşə tutulub və hücum hava limanlarının işini iflic edib. Sonradan məlum olub ki, hücum nəticəsində onlar yararsız hala düşüblər.

Müəllif: Miri Məcidli