Suriya hava limanına hücumlardan sonra İsraili eskalasiyada ittiham edir

Suriya Xarici İşlər Nazirliyi İsraili silahlı qüvvələrinin Dəməşq və Hələb hava limanlarına hücumlarından sonra Yaxın Şərqdə vəziyyəti gərginləşdirməyə çalışmaqda ittiham edib.

 

Oxu24.com xəbər verir  ki,bu barədə Suriyanın SANA agentliyi məlumat yayıb.

 

“Bu aqressiv hücum işğalçı [İsrail] hakimiyyətinin böhran hadisələrini yaymağa və regionda vəziyyəti gərginləşdirməyə yönəlmiş davam edən cəhdləri kontekstinə uyğundur...”, - deyə məlumatda bildirilir.

Suriya Xarici İşlər Nazirliyinin məlumatına görə, İsrailin Qəzza zolağında İsrail ordusunun törətdiyi cinayətlərdən diqqəti yayındırmaq üçün belə hücumlara ehtiyacı var.

Bundan əvvəl Suriyanın “Əl-Vatan” qəzeti İsrailin Suriyanın Dəməşq və Hələb hava limanlarına hücum etdiyini yazıb. Atışma səbəbindən hər iki hava limanı təyyarələrin gəlişini və gedişini dayandırıb. İlkin məlumatlara görə, uçuş-enmə zolaqları atəşə tutulub və hücum hava limanlarının işini iflic edib. Sonradan məlum olub ki, hücum nəticəsində hava limanları sıradan çıxıb.

 

Müəllif:Nigar