Misir Qəzza zolağına humanitar yardımın çatdırılmasına icazə vermək üçün atəşkəs təklif edib

Misir Qəzza zolağına humanitar yardım çatdırmaq üçün İsrail və Fələstin arasında 6 saatlıq atəşkəs elan etməyi təklif edib.

Oxu24.com xəbər verir  ki,bu barədə “Əl-Ərəbiyyə” telekanalı öz mənbələrinə istinadən məlumat yayıb.

Telekanalın mənbələrinə görə, Misir artıq Qəzza zolağı ilə sərhədindən humanitar yardımın çatdırılması planını ABŞ və digər ölkələrlə müzakirə edib.

Yardım Qəzza zolağı ilə Misirin Sinay yarımadası arasındakı Rəfah sərhəd keçid məntəqəsi vasitəsilə çatdırılmalı olacaq.

Oktyabrın 7-də HƏMAS İsrailə bir neçə min raket atdı və Əl-Əqsa Daşqını əməliyyatının başladığını elan etdi. Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.

İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı “Dəmir Qılınclar” adlanırdı.

 

Müəllif:Afət