İraqın baş naziri Putindən İsraildəki münaqişənin həllinə kömək etməyi xahiş edib

Oxu24.com xəbər verir ki,İraqın baş naziri Məhəmməd əl-Sudani Rusiya prezidenti Vladimir Putindən fələstinlilərlə israillilər arasında atəşkəs elan etməsini istəyib.

Rusiya Enerji Həftəsinin iclasında o, Putinə üz tutaraq ondan “həqiqi atəşkəs və Fələstin probleminin real həllinin tapılmasına” kömək etməyi xahiş edib.

Bir gün əvvəl əl-Sudani ilə danışıqlar zamanı Putin İsraildə vəziyyətin pisləşməsindən təəssüfləndiyini bildirib və bunu ABŞ-ın Yaxın Şərq siyasətinin uğursuzluğunun bariz nümunəsi adlandırıb. O, həmçinin suveren Fələstin dövlətinin yaradılması məsələsinin həllinin vacibliyini bəyan edib.

Oktyabrın 7-də Həmas İsrailə bir neçə min raket ataraq Əl-Əqsa tufanı əməliyyatına başlayıb.

İsrail ordusu HƏMAS-a qarşı “Dəmir Qılınclar” əməliyyatına başlamaqla cavab verib. İsrailin baş naziri Netanyahu ölkənin müharibə vəziyyətində olduğunu bəyan edib.

 

Müəllif:Miri Məcidli