Politico yazır ki, ABŞ prezidenti Co Bayden İrana qarşı yeni tədbirlər görməkdə israrlı olan müxalif Respublikaçılar Partiyasından olan qanunvericilərin artan təzyiqi ilə üzləşir.

Nəşrin yazdığına görə, amerikalı senatorlar HƏMAS-ın İsrailə hücumuna görə Tehranı məsuliyyət daşıyırlar, baxmayaraq ki, Ağ Ev bu hücumda İranın birbaşa iştirakına dair inandırıcı sübutların olmadığını rəsmən qeyd edib.

Politico-nun qeyd etdiyi kimi, 12-dən çox respublikaçı senator Baydendən cavab tədbiri olaraq İranın təxminən 6 milyard dollar aktivlərini yenidən dondurmağı xahiş edir. Nəşr izah edir ki, söhbət yayın sonunda məhbus mübadiləsi sazişi çərçivəsində Tehrana köçürülən aktivlərdən gedir. Bundan əlavə, ABŞ qanunvericiləri İrana qarşı yeni sanksiyalar tələb edir, bəziləri isə “hərbi cavab”da israr edir.

“İranın HƏMAS-ı müxtəlif yollarla dəstəklədiyi və təchiz etdiyi hamıya məlumdur, lakin HƏMAS Tehrandan müəyyən dərəcədə müstəqilliyini qoruyur. İranın günahına dair təkzibedilməz sübutlar tapmaq çətin ola bilər”, - materialda vurğulanır.

7 oktyabr 2023-cü ildə Həmas İsrailə bir neçə min raket atdı və Əl-Əqsa Daşqını əməliyyatının başladığını elan etdi. İsrail buna cavab olaraq “Dəmir Qılınclar” hərbi əməliyyatına başlayıb.

Müəllif:Nigar