TƏCİLİ!  Mahmud Abbas Putinin yanına gedir

Fələstinin Rusiya Federasiyasındakı səfiri Əbdül Hafiz Nofəl bildirib ki, hazırda Fələstin prezidenti Mahmud Abbasın Moskvaya səfərinə hazırlıq gedir.

Oxu24/com xəbər verir ki,O, bu barədə “Rossiya 24” telekanalının efirində danışıb.

Onun sözlərinə görə, Fələstin Moskva ilə gündəlik əlaqə saxlayır.

Diplomat vurğulayıb ki, hazırda Fələstin prezidentinin Moskvaya səfərinə hazırlıq gedir.

O əlavə edib ki, Fələstin tərəfi Moskvanın Fələstin-İsrail nizamlanması ilə bağlı mövqeyini yüksək qiymətləndirir.

Bundan əvvəl Rusiyanın xarici işlər naziri Sergey Lavrov bildirib ki, Rusiya və Ərəb Dövlətləri Liqası (LAS) İsrail və Fələstini hərbi əməliyyatları dayandırmağa çağırır.

Oktyabrın 7-də HƏMAS İsrailə bir neçə min raket atdı və Əl-Əqsa Daşqını əməliyyatının başladığını elan etdi. Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.

İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı “Dəmir Qılınclar” adlanırdı.

 

 

Müəllif: Nigar