İran və Sudan diplomatik münasibətləri bərpa etmək barədə razılığa gəliblər

İran və Sudan diplomatik münasibətləri bərpa etmək qərarına gəlib.

Oxu24.com xəbər verir ki, bu barədə bu barədə İran Xarici İşlər Nazirliyinin Telegram kanalında dərc olunan bəyanatda deyilir.

“İran İslam Respublikası və Sudan Respublikası öz aralarında diplomatik münasibətləri bərpa etmək qərarına gəliblər”, - nəşr yazır.

İdarədən verilən məlumata görə, bu qərar ötən aylar ərzində yüksək səviyyədə qarşılıqlı əlaqələrin nəticələrinə əsasən qəbul edilib. Beləliklə, İran və Sudan regionda təhlükəsizlik və sabitlik sahəsində tərəfdaşlıqlarını dərinləşdirmək barədə razılığa gəliblər. Bundan əlavə, dövlətlər tezliklə öz ərazilərində bir-birlərinin səfirliklərini açacaq və ikitərəfli əməkdaşlığın inkişafını müzakirə etmək üçün rəsmi nümayəndə heyətləri yaradacaqlar.

“İki ölkə hökumətləri suverenliyə və ümumi maraqlara qarşılıqlı hörmət əsasında dostluq münasibətlərini inkişaf etdirmək barədə razılığa gəliblər”, - bəyanatda deyilir.

Bundan əvvəl Sudan hakimiyyəti ölkənin hava məkanının bağlanmasının müddətini uzadıb.

 

Müəllif:Nigar