İsraildən çağırış!  Misiri tərk edin!

İsrailin Milli Təhlükəsizlik Şurası vətəndaşları Misiri tərk etməyə çağırıb.

Oxu24.com xəbər verir ki,Müvafiq nəşr İsrail hökumətinin saytında yerləşdirilib.

“Biz ölkə vətəndaşlarını xaricə planlaşdırılan səfərlərini yenidən nəzərdən keçirməyə və şübhə doğuran ölkələrə, xüsusən də Yaxın Şərqə getməməyə çağırırıq”, - deyə Təhlükəsizlik Şurası vurğulayıb.

Səyahət planlaşdırarkən vətəndaşlar yalnız mümkün hücumlar barədə xəbərdarlıq olmayan ölkələrə səyahət etməyə çağırılır. Qeyd olunur ki, İsrailə uçan şirkətlərin sayının azalması səbəbindən vətənə qayıtmaq çətinləşə bilər.

Bundan əvvəl Misir və İsrail sərhədindəki keçid məntəqəsindən nəqliyyatın hərəkəti dayandırılmışdı.

Oktyabrın 8-i günorta saatlarında Misir polisi İsraildən gələn turistlərə atəş açıb.

Oktyabrın 7-də HƏMAS İsrailə bir neçə min raket atdı və Əl-Əqsa Daşqını əməliyyatının başladığını elan etdi. Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.

İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı “Dəmir Qılınclar” adlanırdı. Hücumlara cavab olaraq İsrail Hərbi Hava Qüvvələri Qəzza zolağında HƏMAS-ın 21 hədəfinə zərbələr endirib.

 

Müəllif:Nigar