Bayden İsrailə əlavə yardım əmri verdi

ABŞ prezidenti Co Bayden Fələstin HƏMAS silahlılarının hücumu ilə əlaqədar İsrailə əlavə yardım göndərilməsi barədə göstəriş verib.

Oxu24.com xəbər verir  ki,bu barədə TASS Ağ Evə istinadən xəbər verir.

Ağ Evin məlumatına görə, bazar günü, oktyabrın 8-i səhər saatlarında milli təhlükəsizlik komandası Baydenə və ABŞ-ın vitse-prezidenti Kamala Harrisə İsraildəki vəziyyətlə bağlı məlumat verib.

“Prezident HƏMAS-ın misli görünməmiş terror hücumu qarşısında İsrailə əlavə yardım göstərilməsi barədə göstəriş verib”, - bəyanatda deyilir.

Ağ Ev konkret hansı yardımdan söhbət getdiyini açıqlamayıb.

Bundan əvvəl Pentaqonun rəhbəri Lloyd Ostin İsrailin özünümüdafiə hüququ məsələsində ABŞ-ın sarsılmaz mövqeyini bəyan edib.

Onun sözlərinə görə, yaxın günlərdə Amerika müdafiə departamenti İsrailin özünü müdafiə etmək və mülki insanları “təsadüfi zorakılıq və terrorizmdən” qorumaq üçün lazım olan hər şeyə malik olmasını təmin etməyə çalışacaq.

Oktyabrın 7-də İsrail Müdafiə Qüvvələrinin (IDF) mətbuat xidməti bildirib ki, Qəzza zolağından olan terrorçular anklavdan iri raket hücumundan sonra İsrailin sərhəd bölgələrinə daxil olublar.

HƏMAS silahlıları İsraillə həmsərhəd şəhərlərə, eləcə də Təl-Əvivin ərazilərinə raket zərbələri endirib. İsrailin müdafiə naziri Yoav Qalant Fələstinin radikal islamçı hərəkatının ölkəsinə müharibə elan etdiyini bildirib. Bütün bunların fonunda Müdafiə Nazirliyinin rəhbəri ölkədə ehtiyatda olan hərbçilərin kütləvi toplanışını elan edib.

 

Müəllif: Nigar