Misir və İsrail sərhədindəki keçid məntəqəsindən nəqliyyatın hərəkəti dayandırılıb.

Oxu24.com xəbər verir ki,bu barədə Əl-Cəzirə telekanalı mənbələrə istinadən məlumat yayıb.

"Əl-Auja keçid məntəqəsi vasitəsilə Misir və İsrail arasında nəqliyyatın hərəkəti dayandırılıb", - telekanalın mənbəsi qeyd edib.

Hələlik bu məsələ ilə bağlı rəsmi məlumat yoxdur.

Bundan əvvəl Rusiyanın İqtisadi İnkişaf Nazirliyi ölkənin turizm operatorlarına İsrailə tur satmamağı tövsiyə etmişdi.

Oktyabrın 7-də HƏMAS İsrailə bir neçə min raket atdı və Əl-Əqsa Daşqını əməliyyatının başladığını elan etdi. Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.

İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı “Dəmir Qılınclar” adlanırdı. Hücumlara cavab olaraq İsrail Hərbi Hava Qüvvələri Qəzza zolağında HƏMAS-ın 21 hədəfinə zərbələr endirib.

Müəllif:Miri Məcidli