Bild: Berlində İsrailə qarşı etirazlarda 40 nəfər saxlanılıb

Berlində fələstinli tərəfdarların İsrailə qarşı etirazları zamanı 40 nəfər saxlanılıb.

Oxu24.com xəbər verir  ki, bu barədə “Bild” yazır.

HƏMAS-ın İsrailə hücumuna dəstək aksiyasına antisemitizm səbəblərindən alqışlayan 65 nəfərin daxil olduğu bildirilir. Mövcud məlumatlara əsasən, faktlarla bağlı 6 cinayət, 36 inzibati xəta işi başlanıb. Qeyd olunur ki, aksiya iştirakçıları polis əməkdaşına hücum etməyə cəhd ediblər.

Mitinqə icazə verilib, iştirakçılar İsrail əleyhinə şüarlar səsləndirib, Fələstin bayraqları dalğalandırıblar.

Bundan əvvəl Netanyahu Almaniya kansleri Olaf Şolzla danışıqlar aparıb.

Oktyabrın 7-də HƏMAS İsrailə bir neçə min raket atdı və Əl-Əqsa Daşqını əməliyyatının başladığını elan etdi. Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.

İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı “Dəmir Qılınclar” adlanırdı. Hücumlara cavab olaraq İsrail Hərbi Hava Qüvvələri Qəzza zolağında HƏMAS-ın 21 hədəfinə zərbələr endirib.

 

Müəllif:Nigar