BMT İsrail və Qəzza zolağında hərbi əməliyyatları dərhal dayandırmağa çağırıb

BMT baş katibinin humanitar məsələlər üzrə müavini Martin Qriffits İsrail və Qəzza zolağında hərbi əməliyyatları dərhal dayandırmağa çağırıb.

Oxu24.com xəbər verir ki,bu barədə TASS məlumat yayıb.

Qriffits deyib ki, o, münaqişənin sürətlə artması və gərginləşməsindən “son dərəcə narahatdır”.

“Mövcud məlumatlara görə, hər iki tərəfdən mülki itkilərin sayı artıq yüzlərlədir. Bu rəqəm sürətlə artır”, - Qriffits bildirib.

Diplomat xatırladıb ki, “zorakılıq heç vaxt cavab olmayıb”. O, münaqişə tərəflərindən mülki insanları “hər yerdə və hər zaman” müdafiə etməyi xahiş edib. “Əgər bu edilməsə, nəticə daha çox qan töküləcək”, - deyə o, yekunlaşdırıb.

Oktyabrın 7-də HƏMAS İsrailə bir neçə min raket atıb. Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.

İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı “Dəmir Qılınclar” adlanırdı. Hücumlara cavab olaraq İsrail Hərbi Hava Qüvvələri Qəzza zolağında HƏMAS-ın 21 hədəfinə zərbələr endirib.

 

Müəllif:Nigar