İran İsrailə raket hücumlarını dəstəkləyir

İranın ali dini liderinin müşaviri Fələstinin İsrailə qarşı əməliyyatını dəstəkləyir.

İran Fələstin yaraqlılarının İsraildə başlatdığı Əl-Əqsa tufanı əməliyyatını dəstəkləyib.

Oxu24.com  xəbər verir ki, bunu İranın ali dini lideri Əli Xamneyinin müşaviri, general Rəhim Səfəvi deyib.

“Qürur duyulası bir şey olan Əl-Əqsa tufanı əməliyyatını dəstəkləyirik və bu əməliyyatı başlatdıqları üçün fələstinli döyüşçüləri təbrik edirik. Fələstin və Qüds azad olunana qədər onların yanında olacağıq”, - deyə müşavir qeyd edib.

Oktyabrın 7-də Həmas qüvvələri İsrail ərazisinə 5 mindən çox raket atıb. Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib. İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı “Dəmir Qılınclar” adlanırdı.

Hücumlara cavab olaraq İsrail Hərbi Hava Qüvvələri Qəzza zolağında HƏMAS-ın 21 hədəfinə zərbələr endirib.

 

Müəllif:Afət