Sorğu keçirildi:Putini bu qədər insan dəstəklədi

Rusiyalıların əksəriyyəti hələ də ölkə prezidenti Vladimir Putinə güvənir.

Oxu24.com xəbər verir  ki,bunu VTsIOM-un sentyabrın 25-dən oktyabrın 1-dək 1,6 min nəfər arasında apardığı sorğunun məlumatları sübut edir.

“Putinə etimad sualına sorğu iştirakçılarının 77%-i müsbət cavab verib (mənfi 0,3 bal), prezidentin fəaliyyətini bəyənmə səviyyəsi isə 73,6%-dir”, mətndə deyilir.

Rusiya Federasiyası Hökumətinin işini respondentlərin 48,5%-i, baş nazir Mixail Mişustinin fəaliyyətini isə respondentlərin 51,1%-i dəstəkləyir. Tədqiqatda iştirak edən rusların 60,2%-i sonuncuya etibar etdiyini bildirib. Partiya liderləri arasında Gennadi Zyuqanov (KPRF) - 29,5%, Sergey Mironov (Ədalətli Rusiya - Həqiqət üçün) - 28,1%, Leonid Slutski (LDPR) - 14,9%, Aleksey Neçayev (Yeni İnsanlar") - 7,5% dəstək alır.

"Vahid Rusiya"nın işi 38,5%, Rusiya Federasiyası Kommunist Partiyası - 10,5%, LDPR - 9,5%, "Ədalətli Rusiya - Həqiqət naminə" - 5,1%, Yeni insanlar - 4,7% səslə təsdiqlənib. Belə ki, əvvəlki sorğularla müqayisədə göstəricilər bir qədər dəyişib.

Yada salaq ki, sentyabrın sonunda sorğunun məlumatlarına görə, rusiyalıların 77,3%-i Rusiya prezidenti Vladimir Putinə güvəndiyini bildirib. Eyni zamanda, Rusiya Federasiyası Hökumətinin sədri Mixail Mişustini rusiyalıların 60%-i dəstəkləyib, onun fəaliyyətini respondentlərin 51,1%-i müsbət qiymətləndirib.

 

Müəllif:Nigar