Oxu24.com xəbər verir ki,CBS News, adının açıqlanmasını istəməyən ABŞ rəsmisinə istinadən iddia edib ki, Pxenyanın Moskvaya silah göndərməsinə Şimali Koreya lideri Kim Çen In və Rusiya prezidenti Vladimir Putin arasında “silah təchizatı və hərbi əməkdaşlıq” məsələlərinin müzakirə olunduğu görüşdən sonra başlayıb.

Xəbərdə Şimali Koreyanın göndərməyə başladığı iddia edilən silahlar müqabilində Rusiyadan nə aldığı və ya sözügedən göndərişin "uzunmüddətli tədarük zəncirinin bir hissəsi, yoxsa daha məhdud bir göndəriş" olduğu açıqlanmadığı iddia edilib.

Kim və Putin sentyabrın 13-də görüşüblər

Kim Putinlə sentyabrın 13-də Rusiyanın Amur vilayətindəki Vostonçnıy kosmodromunda görüşüb.

Kim ilə danışıqları "məhsuldar" adlandıran Putin, bölgədəki vəziyyət və ikitərəfli münasibətlərlə bağlı fikir mübadiləsi apardıqlarını bildirib.

ABŞ, Cənubi Koreya və Yaponiya görüş zamanı Kim və Putinin “silah təchizatı və hərbi əməkdaşlıq” məsələlərini müzakirə etməsinə reaksiya verib.

Müəllif:Nigar