Çin Vaqnerə avadanlıq satdı

Oxu24.com  xəbər verir ki, PMC Wagner Çin şirkəti Beijing Yunze Technology Co Ltd ilə iki peykin alınması və onların köməyi ilə çəkilmiş şəkillərin daha sonra kəşfiyyat üçün istifadəsi üçün müqavilə bağlayıb.

Müqavilə 2022-ci il noyabrın 15-də bağlanıb. Müqavilənin məbləği 235 milyon yuan (indiki məzənnə ilə demək olar ki, 33 milyon dollar) olub.

Sazişin tərəfləri Çinin “Beijing Yunze Technology Co Ltd” şirkəti və agentliyin məlumatına görə, ötən ilin noyabrında PMC-nin təsisçisi Yevgeni Priqojinin biznes strukturuna daxil olan Rusiyanın “Nika-Frut” şirkəti olub.

AFP-nin Avropa təhlükəsizlik mənbəsi bildirib ki, Vaqner peyklərdən Ukraynadakı döyüşlər zamanı və Afrikadakı öz əməliyyatlarında kəşfiyyat üçün istifadə edib.

Bundan əlavə, agentliyin həmsöhbətinin sözlərinə görə, 2023-cü il may ayının sonunda - Vaqner üsyanından bir neçə həftə əvvəl PMC nümayəndələri Rusiya-Ukrayna sərhədindən Moskvaya qədər ərazinin peyk şəkillərini tələb ediblər. Eyni zamanda, AFP qeyd edir ki, müqavilənin özündə Rusiya ərazisinin şəkillərinin sifariş edilməsindən bəhs edilmir.

 

Müəllif:Nigar