Ötən ilin aprelində ABŞ-ın Nyu-York şəhərindəki Bruklin metro stansiyasında silahlı hücum təşkil edən 64 yaşlı Frenk Ceymsə məhkəmə tərəfindən 10 ömürlük və 10 il həbs cəzası verilib.

Oxu24.com xəbər verir  ki,2022-ci il aprelin 12-də ABŞ-ın Nyu-York şəhərində Bruklin metro stansiyasında 23 nəfərin yaralanması ilə nəticələnən silahlı hücum törədən 64 yaşlı Frenk Ceyms barəsində hökm elan edilib.

ABŞ mətbuatında yer alan xəbərlərdə, Bruklin Federal Məhkəməsində baxılan iddiada Ceymsin 10 ömürlük və 10 il həbs cəzasına məhkum edildiyi bildirilib.

Hücumdan saatlar sonra polis tərəfindən yaxalanan Ceyms keçən yanvarda məhkəmədə terror da daxil olmaqla bütün ittihamları etiraf edib.

Nyu York Polis Departamentinin məlumatına görə, Ceyms əvvəllər Nyu Yorkda 9, Nyu Cersidə isə 3 dəfə saxlanılıb.

Ceyms 2022-ci il aprelin 12-də səhər saatlarında Bruklin metro stansiyasına daxil olub, 2 tüstü bombası atıb və sonra 33 atəş açıb.

Stansiyadakı çaxnaşma zamanı texniki işçi qiyafəsində stansiyadan qaçan Ceyms 30 saatlıq axtarışdan sonra 13 aprel 2022-ci ildə Manhettenin Şərq kəndində polis tərəfindən tutuldu.

Hücumda 23 nəfərdən 10-u güllələnərək yaralanıb, lakin heç kim həyatını itirməyib.

Müəllif:Nigar