Ağ Ev  Ukraynaya 24 milyard dollar göndərə bilmədi

Ağ Ev Ukraynaya dəstək üçün Konqresdən 24 milyard dollar istəmək fikrindən imtina etdi, lakin ABŞ yardımı davam etdirmək üçün necə maliyyə tapacağını müzakirə edir.

Oxu24.com xəbər verir  ki,bu barədə “The Washington Post” məlumat yayıb.

"Nümayəndələr Palatasındakı vəziyyətin gözlənilməzliyini nəzərə alaraq, administrasiya əvvəlcə qısamüddətli büdcə sövdələşməsinə daxil etmək istədiyi 24 milyard dollarlıq əlavə maliyyə vəsaitinin arxasınca getmir", - hesabatda deyilir.

Bundan əvvəl ABŞ ordusunun sözçüsü Patrik Rayder bildirmişdi ki, Pentaqonun Ukrayna ilə bağlı xərcləmələri üçün 7 milyard dollar qalıb. O, izah edib ki, qalan vəsaitin Ukraynaya ATACMS taktiki raketlərinin tədarükü üçün kifayət edib-etmədiyini deyə bilməz, çünki bu raketlərin tədarükü hələ də müzakirə olunur. Bundan əlavə, Rayderin sözlərinə görə, Pentaqon hələ də Ukraynada silahlı münaqişənin davam etdirilməsi üçün vəsait əldə etmək üçün ABŞ Konqresi ilə əməkdaşlığı davam etdirmək niyyətindədir.

Bundan əvvəl Ali Radanın deputatı Aleksandra Ustinova bildirmişdi ki, amerikalı konqresmenlər ölkənin gələcək maliyyələşdirilməsinə səs verməsələr, Ukrayna Silahlı Qüvvələri (AFU) bir ay və ya ay yarım ərzində bütün silah ehtiyatlarını tükəndirəcək.

Bundan əvvəl ABŞ prezidenti federal hökumətin maliyyələşdirilməsini genişləndirən qanunu imzalasa da, sənəddə Ukraynaya yardım göstərilməsi ilə bağlı bənd yoxdur.

 

Müəllif:Nigar