Polşa tarixdə ilk dəfə Varşava üzərində raketdən müdafiə sistemi yerləşdirib

Oxu24.com  xəbər verir ki, Polşanın milli müdafiə naziri Mariuş Blaşçak bildirib ki, silahlı qüvvələr tarixdə ilk dəfə olaraq Varşava üzərində raketdən müdafiə sistemi yerləşdirib.

“Tarixdə ilk dəfə olaraq Varşava raketdən müdafiə sistemi alır” ,deyə məlumatda qeyd edilir.

Nazir qeyd edib ki, bundan əvvəl paytaxt üzərində yalnız hava hücumundan müdafiə fəaliyyət göstərirdi.

Müdafiə Nazirliyinin rəisi əlavə edib ki, Amerika Patriot sistemi səmada təhlükəsizliyi təmin edəcək, sabahdan döyüş növbəsi başlayır.

Bundan əvvəl NATO-nun hərbi komitəsinin rəhbəri Rob Bauer Polşada keçirilən təhlükəsizlik konfransında bildirmişdi ki, Qərb ölkələri Ukraynadakı münaqişənin təsirinə məruz qalan hava hücumundan müdafiə sistemlərinə yaxın illərdə əhəmiyyətli investisiyalar qoymağa başlayacaq.

Sentyabr ayında Polşa hərbçilərinin mindən çox hava hücumundan müdafiə və raketdən müdafiə raketləri aldığı bildirildi.

Bundan əvvəl Polşa və Baltikyanı ölkələr Wagner PMC-nin Belarusdan çıxarılmasını tələb ediblər.

 

Müəllif: Nigar