Oxu24.com xəbər verir ki,Əl-Cəzirə xəbər verir ki, İspaniyanın Qranada şəhərində keçiriləcək Avropa Siyasi Birliyinin sammitində 50-yə yaxın Avropa lideri iştirak edəcək.

Aİ-nin adının açıqlanmasını istəməyən yüksək rütbəli rəsmisi jurnalistlərə bildirib ki, iclas iştirakçıları Rusiya və Ukrayna arasında müharibə, Kosovo böhranı, eləcə də Azərbaycanın Qarabağ regionundakı vəziyyət kimi ən aktual beynəlxalq problemləri müzakirə edəcəklər.

Qranadada keçiriləcək Avropa Siyasi Birliyinin iclasına dəvət olunmuş 47 dövlət və hökumət başçısının siyahısı: Aİ-nin 27 Üzv Dövlətləri, Albaniya, Andorra, Ermənistan, Azərbaycan, Bosniya və Herseqovina, Gürcüstan, İslandiya, Kosovo, Lixtenşteyn, Moldova, Monako, Monteneqro, Şimali Makedoniya, Norveç, San Marino, Serbiya, İsveçrə, Türkiyə, Ukrayna, Böyük Britaniya.

İclasa həmçinin Avropa Şurasının sədri Çarlz Mişel, Avropa Komissiyasının sədri Ursula fon der Leyen və Avropa Parlamentinin sədri Roberta Metsola dəvət olunub.

Müəllf:Nigar