İsrail İrana cavab verib

“Ayətullah Xameneinin terrorçu rejimi ölüm və dağıntı səpdiyi halda, İsrail sülh yolu ilə gedir”.

Oxu24.com xəbər verir  ki,İsrail mətbuatının məlumatına görə, bunu çərşənbə axşamı, oktyabrın 3-də İsrailin baş naziri Benyamin Netanyahu ərəb ölkələrinə yəhudi dövləti ilə münasibətlərin normallaşdırılmasının yolverilməzliyi barədə xəbərdarlıq edən İranın ali liderinin çıxışına cavab olaraq bildirib.

Oktyabrın 3-də İranın ali dini lideri Ayətullah Əli Xamenei Səudiyyə Ərəbistanı rəhbərliyini İsraillə münasibətləri normallaşdırmaq niyyətinə görə kəskin şəkildə pisləyib. Onun sözlərinə görə, yəhudi dövləti ilə münasibətləri normallaşdırmaq istəyən ölkələr “uduzan ata mərc edirlər”.

Netanyahu xatırladıb ki, “İran bizə İbrahim sazişləri bağlamağa mane olmadı: “Eyni şəkildə, bu, israillilərin, Yaxın Şərq regionu xalqlarının və bütün ölkələrin xeyrinə sülh sazişləri dairəsini genişləndirməyə mane olmayacaq."

 

Müəllif:Afət