Fransa şirkəti Ukraynada ağır pilotsuz təyyarələrin yığılmasına başlayacaq

La Tribune: Fransız şirkəti Ukraynada Aarok dronlarını istehsal edəcək

Fransanın “Turgis & Gaillard” şirkəti Ukraynanın “Antonov” şirkəti ilə “Aarok MALE” kimi ağır dronların birgə istehsalı üçün müqavilə imzalayıb.

Oxu24.com xəbər verir  ki, bu barədə  La Tribune qəzeti konsernin nümayəndələrinə istinadən yazır.

Aarok, missiyadan asılı olaraq müxtəlif sensorlar və silahlar daşıyan orta hündürlüyə malik, uzun ömürlü drondur. Maksimal sürəti saatda 463 kilometrdir. O, 30 saat uça bilir və heç bir hazırlıqlı infrastruktur tələb etmir.

Bu İHA ilk dəfə bu il Le Bourget Aviasiya Sərgisində Fransa Silahlı Qüvvələrində xidmətdə olan Amerika MQ-9 Reaper pilotsuz təyyarəsinə rəqib kimi nümayiş etdirilib.

 

Nəşrin məlumatına görə, Kiyevdə Turgis & Gaillard şirkəti ilə birlikdə fransızlar 15 müqavilə, üstəlik Baş Silahlar Müdirliyi (DGA) ilə onların ukraynalı həmkarları arasında əməkdaşlıq müqaviləsi imzalayıblar.

 

Müəllif: Nigar