2014-cü ildə Meksikada qaçırılan 43 şagirdin öldürüldüyü və cəsədlərinin asit turşusu ilə əridilərək məhv edildiyi iddia edilib.

Bu barədə "Reform" qəzeti yazıb. Məlumata görə, "Juan" olaraq tanınan və mafiya üzvü olduğu deyilən bir gizli şahid, 2014-cü il hadisələri zamanı polis tərəfindən oğurlanan 43 şagirdin hərbi hissədə dindirildikdən sonra "Guerreros Ünidos" adlı narkotik dəstəsinə verildiyini bildirib. O, cəsədlərin məhv edildiyini, bəzilərinin isə parçalanaraq Texko şəhəri yaxınlığında boş əraziyə atıldığını deyib.

Bildirək ki, BMT-nin İnsan Hüquqları üzrə Ali Komissarlığı şagirdlərin itkin düşməsi səbəbilə nəzarətə götürülən 129 nəfərin 34-nün işgəncə gördüyü ilə bağlı hesabat yaymışdı. Hesabatda federal müstəntiqlərin şübhəlilərdən işgəncə yolu ilə ifadə aldığına diqqət çəkilmiş və bu etirafların etibarsız hesab edildiyi vurğulanmışdır.