Qarabağ müharibəsindən sonra Ermənistanda xəyanət, sabotaj, əmrlərin yerinə yetirilməsindən imtina və digər problemlərlə əlaqədar 1300-dən çox cinayət işi açılıb.

Axar.az xəbər verir ki, bunu Ermənistanın Baş naziri Nikol Paşinyan deputatların suallarını cavablayarkən deyib.

Baş nazir hərbi əməliyyatlar zamanı xəyanət hallarına da toxunub.

O, xəyanətlərlə bağlı səslənən fikirlərin bəzilərinin siyasi qiymətləndirmələri ehtiva edə biləcəyini, lakin bütün bunların araşdırmaya ehtiyac duyduğunu bildirib, məhkəmə proseslərinin olacağını da istisna etməyib.