ABŞ prezidenti seçilən Co Baydenin rəsmi olaraq vəzifəsinin icrası başlayacağı andiçmə mərasimində kimlərin səhnə alacağı müəyyənləşib.

Məşhur aktyor Tom Hanksın aparıcılıq edəcəyi mərasimdə Ledi Qaqa milli marşı səsləndirəcək. Bununla yanaşı Cenifer Lopez, Con Bin Covi, Demi Lovato və Castin Timberleyk kimi məşhurlar da səhnədə olacaq.

Bildirək ki, Baydenin andiçmə mərasimi "Georgetown" Universitetinin 44-cü rektoru olan Leo Donovanın nitqi ilə başlayacaq və ardınca 2017-ci ildə ABŞ-dakı ilk Milli Gənclik Şairi Mükafatı alan Amanda Qorman şeir oxuyacaq.