Rusların Türkiyə turizm məkanlarına marağı çox artıb. Onlar Türkiyədə rekord vurublar.Bizimyol.info xəbər verir ki, qonşu ölkədə heç vaxt olmadığı qədər rus turist müşahidə edilib. Rəsmi statistika belə deyir. İlin ilk 6 ayı ərzində Türkiyəyə Rusiyadan 2,7 milyon nəfər gəlib. Bu göstərici keçən ilin ilk yarısı ilə müqayisədə 13,9 faiz çoxdur. Siyahıda ruslardan sonra almanlar, bolqarlar, ingilislər və iranlılar gəlir.
Ümumiyyətlə, ilin ilk 6 ayı ərzində Türkiyə turizm məkanlarına 18 milyon turist təşrif buyurub. Göstərici keçən il qeydə alınan rəqəmlərdən 13,2 faiz çoxdur. Xüsusilə iyunda böyük axın olub. Yayın ilk ayında Türkiyəyə 5,04 milyon nəfər gəlib.


Oxu24.com